Mesfushori i Përfaqësueses së Kosovës, Herolind Shala, ka folur para ndeshjes me Maqedoninë e Veriut, duke thënë së është një ndeshje shumë e rëndësishme për ne.
Ndeshja e vlefshme për gjysmëfinalen e play-offit të Ligës së Kombeve e pret Kosovën me disa mungesa, por Shala thotë se e kanë analizuar kundërshtarin.
“Normalisht është ndeshje e rëndësishme për neve. Si për shtetin ashtu edhe për kombëtaren. Pritet të jetë një ndeshje shumë e mirë”.
“Është me rëndësi të fitojmë dhe të shkojmë në raundin tjetër, në finale”.
Ai tutje u pyet për Maqedoninë, që sipas tij kanë cilësi, janë ekip i ri, por me eksperience të madhe.
“Ka lojtar me cilësi, ekip i mirë, i ri, kanë kualitet dhe eksperiencë. I kemi bërë analizat. Pritet që ne të përgatitemi sa më mirë dhe të jemi gati për ndeshje”
“Na duhet përkrahje dhe pozitiviteti dhe bashkë ia dalim”, ka thënë Shala në konferencë për media.
Ndeshja mes Kosovës dhe Maqedonisë së Veriut zhvillohet të enjten nga ora 20:45 në stadiumin “Toshe Proeski” në Shkup. /Telegrafi/