Sulmuesi i Shqipërisë, Armando Broja, ishte heroi i skuadrës, duke shënuar golin e vetëm për kuqezinjtë në ndeshje me Hungarinë.
Broja u shfaq i lumtur për fitoren dhe ndihmën që i dha skuadrës, pasi Shqipëria mban gjallë shpresat për një vend në Kampionatin Botëror.
“Trajneri më tha: ‘A je gati?’, u futa në lojë ta ndihmojë ekipin, ta fitojmë ndeshjen. Keidi më dha topin mirë, shyqyr që e bëra golin dhe fituam”.
“Unë them se dal ngadalë po bëhemi ekip më i mirë, të bashkuar më shumë. Sa herë që vijmë në Shqipëri jemi më afër dhe bëhemi ekip ma i fortë. Edhe në ndeshja në Elbasan ka qenë e fortë”, deklaroi Broja.
Tutje sulmuesi ka thënë se nga tani skuadra do të koncentrohet për ndeshjen me Poloninë.
“Tani duhet të koncentrohemi për ndeshjen me Poloninë dhe ta fitojmë”.
“Gjithmonë ku luajmë ndeshje, futemi për fitore, nuk e shikojmë kundërshtari. Duam ta marrim maksimumin për çdo ndeshje”, deklaroi fillimisht ylli kuqezi.
Sulmuesi e tregon që ishte i lënduar paksa, për atë nuk luajti nga fillimi.
“Jo kam qenë i dëmtuar pardje, nuk kam stërvit shumë. Trajneri më pyeti a je mirë dhe i thash: ‘Po’. Lojtarët dhanë gjithçka, dhe edhe pse i dëmtuar u futa për të ndihmuar”.
“Nuk kisha dhimbje, shpresoj të jem mirë edhe për Poloninë”, ka thënë Broja. /Telegrafi/