Helikopteri Ingenuity, i cili ka bërë histori duke realizuar fluturimin e parë në Mars, ka pësuar dëmtime dhe në këtë mënyrë është detyruar ta përfundojë misionin në Planetin e Kuq.
NASA ka njoftuar se helikopteri duhej të bënte një “ulje emergjente” gjatë së cilës janë dëmtuar helikat e tij, duke ia pamundësuar fluturimin.
Edhe pse misioni i tij ka përfunduar, Bill Nelson i NASA-s tha se Ingenuity ka përfunduar më shumë misione sesa ishte planifikuar fillimisht dhe se :ka hapur rrugë për realizimin e fluturimeve të ardhshme në sistemin tonë diellor”.
Helikopteri ka zbarkuar në Mars në shkurt të vitit 2021 brenda roverit Perseverance.
Ai synonte të shërbente si një demonstrim i teknologjisë që mundëson fluturimin në atmosferën e Marsit.
Para përfundimit të misionit të tij, Ingenuity kishte realizuar 72 fluturime dhe kishte fluturuar 14 herë më larg sesa ishte planifikuar fillimisht. /Telegrafi/
