Modelja e njohur, Heidi Klum, ka zbuluar së fundmi sekretin e dukjes mahnitëse përmes profilit të saj në Instagram.
Ndër të tjera, 52-vjeçarja iu është përgjigjur pyetjeve të fansave për peshën, ndërsa ka thënë se sekreti i trupit të saj qëndron në faktin se merr vetëm 900 kalori në ditë.
Manekinia ka treguar se e nis ditën me një vakt të përbërë nga vezë të ziera në një supë të ngrohtë pule.
Tutje gjatë komunikimit me fansat, Heidi ka qëndruar në peshore dhe ka treguar se peshon rreth 62 kilogramë. Duke qenë rreth 175 centimetra e gjatë, indeksi i saj i masës trupore (BMI) është brenda intervalit normal.
Megjithatë, marrja e saj e ushqimit është ende një shqetësim, sepse mjekët deklarojnë se trupi i një gruaje ka nevojë për rreth 2.000 kalori për të funksionuar normalisht.
Modelja ka folur hapur edhe më parë për shprehitë e saja të të ngrënit. Kështu në një rast kishte deklaruar se han vakte të vogla çdo tre orë dhe se nuk konsumon asgjë pas orës 20:00. Përveç kësaj, ajo shpeshherë thekson në publik se frutat luajnë një rol të rëndësishëm në dietën e saj të përditshme. /Telegrafi/
