Eden Hazard ka treguar hapur se a i është gëzuar triumfit të Chelseat në Ligën e Kampionëve.
Anësori belg që në të kaluarën ka luajtur për The Blues, ka thënë se ai nuk e ka festuar një gjë të tillë.
Lojtari 30-vjeçar që luan te Real Madridi u pyet nëse kishte festuar triumfin e Chelseat në garën më të madhe për klube në Evropë.
“Natyrisht se jo, jam lojtar i Real Madridit dhe nuk jam i lumtur me këtë gjë”, ka thënë Hazard.
“Jam vetëm i lumtur për disa shokë atje, por shpresoj që Real Madridi ta fitojë sezonin e ardhshëm”, ka shtuar më tej belgu.
Hazard nuk e ka filluar mirë aventurën te skuadra spanjolle, derisa lidhet me një largim në këtë verë. /Telegrafi/