Eden Hazard ka shkruar emrin me shkronja të arta në historinë e klubit anglez, Chelsea.
Ylli belg u transferua në verën e vitit 2012 në Stamford Bridge nga skuadra franceze, Lille, për një shifër të raportuar prej 32 milionë funtesh apo diçka më shumë se 35 milionë euro.
Që nga ajo kohë, Hazard ka zhvilluar plot 352 ndeshje me fanellën e Bluve duke pasur statistika mbresëlënëse dhe duke fituar shumë trofe ekipor dhe individual.
Hazard nga këto paraqitje në shtatë sezone ka shënuar gjithsej 110 gola, teksa ka shtuar edhe 92 asistime duke qenë ndër më meritorët në sukseset e Chelseat.
Sulmuesi 28-vjeçar në këto vite ka fituar dy tituj të Ligës Premier, ndërsa me fitoren e djeshme (e mërkurë) ndaj Arsenalit në finale të Ligës Premier, ka koleksionuar trofeun e dytë në garën e dytë më të madhe ekipore evropiane.
Belgu gjithashtu ka fituar edhe një trofe të Kupës FA dhe një League Cup (EFL) në aspektin ekipor, ndërsa nuk munguan as çmimet individuale.
Ai gjithashtu në një sezon u zgjodh lojtari më i mirë i vitit në Ligën Premier dhe një herë “FWA POTY”, çmim që jepet nga gazetarët. /Telegrafi/
https://twitter.com/brfootball/status/1133887937773481989