Deputeti i PDK-së, Bekim Haxhiu ka adresuar kritika në adresë të qeverisë për menaxhimin e pandemisë në vend.
“Në 10 ditët e fundit janë bëre ZERO vaksinime, derisa për 6 javë të Qeverisë Kurti 2, janë regjistruar 431 raste të vdekjeve nga COVID-19”, ka shkruar Haxhiu në Facebook.
Deputeti opozitar ka akuzuar Qeverinë se ka refuzuar të nënshkruaj para kontratën e ofruar nga Pfizer.
“Qeveria nuk ka nënshkruar para kontratën e ofruar nga Pfizer.
Në ofertë që unë ua kam siguruar, MSH për 3 javë as email – kërkesë nuk i kanë dërguar kompanisë qe na ofroi 500 mijë deri 3 milion vaksina Pfizer”, tha ai, përcjell Telegrafi.
Haxhiu thotë se mungesa e vaksinave është rrezikim i drejtpërdrejtë i shëndetit dhe jetës së qytetarëve të Kosovës.
“Derisa çdo ditë raportohet për humbje të jetëve të qytetarëve tonë, Qeveria Kurti 2 bënë sehir”, ka shkruar më tej deputeti i PDK-së./Telegrafi/
