Deputetja e Lëvizjes Vetëvendosje (LVV), Albulena Haxhiu ka reaguar pas mbledhjes së qeverisë në dorëheqje e cila përfundoi me një kërkesë të kryeministrit në dorëheqje për ndihmë Gjykatës Kushtetuese.
Haxhiu përmes një statusi në rrjetin social Facebook ka shkruar se Ramush Haradinaj nuk po e kupton që më nuk është kryeministër dhe duhet të largohet nga kryeministria, ai dhe ish ministrat e tij.
Ajo po ashtu tha se Haradinaj nuk ka të drejtë sipas nenit 113 të Kushtetutës së Kosovës, t’i drejtohet kësaj gjykate.
“Haradinaj si duket nuk po e kupton që më nuk është kryeministër dhe duhet të largohet nga kryeministria, ai por edhe ish ministrat e tij.
Sot, tha që do t’i drejtohet Gjykatës Kushtetuese për ta pyetur se çfarë vendimesh ka të drejtë të marr.
Ky nuk po e kupton ose nuk po do ta kuptoj që nuk është kryeministër dhe as nuk ka të drejtë t’i drejtohet Gjykatës Kushtetuese, le ta sheh nenin 113 të Kushtetutës i cili specifikon jurisdiksionin dhe palët e autorizuara pranë GJK.
Zgjedhje të jashtëzakonshme sa më parë!
Si erdhi, filloi me skandale dhe e përfundoi mandatin me skandale!”, ka shkruar Haxhiu. /Telegrafi/
