Pak ditë para seancës për demarkacionin vazhdojnë përplasjet mes pozitës dhe opozitës përkitazi më këtë çështje. Opozitarët po akuzojnë Qeverinë dhe partnerët e koalicionit për presion dhe shantazhe mbi deputetët për të votuar këtë marrëveshje.
Deputeti i Nismës për Kosovën, njëheresh anëtar i kësaj partie, Haxhi Shala, ka fajësuar kryeministrin Mustafa për presion mbi deputetët e LDK-së për të votuar demarkacionin.
Mustafa, sipas tij, po dëshiron që demin të cilin ai bashkë me Thaçin ia kanë shkaktuar vendit ta shpërndaj edhe tek deputetët.
“Gjithë këtë presione që po i bënë Mustafa kanë për qëllim qe medoemos të kalohet ratifikimi i kësaj marrëveshje pasi besoj se fati i tij politik përfundon më dështimin e kësaj marrëveshje. Prandaj ai i frikësohet kësaj dhe synon qe më çdo kusht të kalojë këtë marrëveshje. Kryeministri aktual është dashur të përfundoj karrierën në kohen e komunizmit pasi me metoda të njëjta po vazhdon edhe tani kur po qeverisë më vendin”, ka thënë Shala për Tribuna Channel.
