Princi Harry dhe Meghan Markle zgjatën udhëtimin e tyre evropian për një ndalesë romantike në Portugali pas përfundimit të ‘Lojërave Invictus’.
Duka dhe Dukesha e Sussex-it besohet se kanë kaluar në një qëndrim tre netësh në Gadishullin Iberik, ku thuhet se vizituan të afërm mbretëror.
Të famshmit, të cilët arritën në Dusseldorf për Lojërat më 9 shtator, u nisën për në kryeqytetin e Portugalisë, Lisbonë, pasi përfunduan në Gjermani më 16 shtator.
Më pas ata udhëtuan një orë në jug në resortin CostaTerra Golf and Ocean Club, i vendosur në qytetin bregdetar të Melidas, në rajonin Alentejo, në një operacion “mega-sekret”, sipas gazetës lokale Nova Gente.
Gazeta raporton se dyshja, të cilët tani janë kthyer në Kaliforni, qëndruan me kushërirën e Princit Harry, Princeshën Eugenie dhe burrin e saj, Jack Brooksbank në Portugali.
Eugenie dhe Jack kanë ndarë kohën e tyre mes Londrës dhe CostaTerra Golf and Ocean Club në Melida pasi Jack siguroi një rol marketingu dhe shitjesh në resort vitin e kaluar.
Meghan, 42 vjeçare dhe Harry, 39 vjeçar, preferuan të mos e publikonin “arratisjen romantike as përmes shtypit, as përmes rrjeteve të tyre sociale”.
“Ata arritën në Portugali pa fëmijët e tyre dhe sapo zbritën, u drejtuan për në Alentejo dhe më saktë në Melida”.
“Zgjedhja e këtij lokacioni do të kishte lidhje me një ftesë të mundshme nga kushërira e Harryt, Princesha Eugenie, e cila, që nga fillimi i vitit të kaluar, ka kaluar shumë kohë në këtë pjesë të Alentejo për shkak të punës së burrit të saj”, shtoi burimi.
Meghan dhe Harry kanë mbajtur kontakte të ngushta me Princeshën Eugenie, 33 vjeçare, që pas largimit nga jeta mbretërore në 2020. /Telegrafi/