Një skenë dramatike është filmuar me kamerë amatore, ku shfaqet momenti kur një polic civil arrin ta “neutralizoj” burrin i cili mbante peng një grua të cilës i kishte vënë thikën në fyt.
Falë aftësive të tij luftarake, ai arriti t’ia largoj thikën dhe me vetëm një lëvizje ta përplas më fytyrë për tokë, duke u bërë kryelajm i medieve kineze, transmeton Telegrafi.
Videoja është shpërndarë me shpejtësi të madhe në Kinë, ku zyrtarët e lartë të policisë kanë lavdëruar veprimin e pjesëtarit të njësisë speciale.
Një grua e tmerruar nga frika nuk po mund të ndalte lotët derisa një burrë i mbante thikën në fyt, kurse dhjetëra policë kishin rrethuar dyshen.
Nuk dihet ende se cilat ishin kërkesat e sulmuesit, por mjaftoi një moment shpërqendrimi që polici i njësisë speciale që ishte veshur me rroba civile, të përvidhet dhe ta “neutralizoj” burrin që terrorizoi gruan në korridorin e një hoteli.
Polici që shpëtoi gruan e pafajshme është komentuar shumë në rrjetet sociale, disa madje e kanë quajtur pasardhësin e Bruce Lee. /Telegrafi/
