Ata të dy dikur nuk kishin një marrëdhënie të mirë por së fundmi gjërat kanë ndryshuar.
Noizy dhe Dafina Zeqiri jo vetëm që i kanë sqaruar çështjet mes tyre por edhe kanë nisur një shoqëri e cila si duket do të finalizohet me një bashkëpunim të afërt. Të paktën këtë kuptojmë nga takimet e tyre të shpeshta të bëra së fundmi. Ashtu siç e tregon edhe kjo foto ku Noizy po darkon me Duffyen dhe dy miqtë e tij Lil Kolin dhe Erik Fullani.
Këtë herë kanë vendosur të darkojnë në restorant ndryshe nga më parë kur këngëtarja ka qenë e ftuar në shtëpinë e reperit i cili edhe ka gatuar për të.
Ndërsa shumë shpejt pritet që të “gatuajnë” bashkë bashkëpunimin e tyre muzikor.
Kujtojmë se Dafina ishte pjesë e një konflikti të madh mes Babastars dhe OTR, kur ajo ishte në lidhje me Ledrin.
Pas përleshjes në aeroport, Noizy publikoi “dissin” e tij më të madh në karrierë, “Na jena OTR”, ku i referohet Dafina Zeqirit si “nusja e estradës” për shkak të lidhjeve të shumta, teksa fyerjet e tij për artisten nuk munguan as në intervista.
Prej asaj kohe, sot me Noizyn flet edhe Ledri edhe Dafina, e kjo e fundit duket se po realizon edhe bashkëpunim me reperin.
