Një nga atutë më të mëdha të Jurgen Klopp është atmosfera dhe harmonia e shkëlqyer te Liverpooli në dhomat e zhveshjes dhe këtë e tregoi edhe Sadio Mane në momentet kur Luis Diaz ishte duke dhënë një deklaratë pas fitores ndaj Benficës.
Liverpool mbrëmë ka festuar me rezultat 3-1 në mysafir ndaj Benficas në ndeshjen e parë çerekfinale të Ligës së Kampionëve, duke bërë një hap të madh për të kaluar në mesin e katër skuadrave më të mira në Evropë.
Heroi i takimit ishte Luis Diaz. Futbollisti kolumbian mbërriti në Liverpool gjatë dimrit dhe menjëherë gjeti vend në formacionin kryesor të The Reds.
Half of the way 💫🔴🙌🏻 #XSpeedflow pic.twitter.com/xKVax5Lw3Z
— Luis Fernando Díaz (@LuisFDiaz19) April 5, 2022
Mbrëmë ai shënoi një gol dhe dha një asistim, duke u shpallur “Lojtari më i mirë i ndeshjes” sipas statistikave të UEFA-s.
Për shkak të paraqitjes së tij të shkëlqyer, ai iu drejtua gazetarëve të DAZN pas ndeshjes, por jo gjithçka shkoi siç ishte planifikuar. Për këtë duhet të falënderojë shokun e skuadrës, Sadio Mane.
Let's make this advantage count 👊
— Liverpool FC (@LFC) April 5, 2022
Senegalezi i njohur u fut në mes të intervistës kur Diaz po jepte deklaratë dhe e ndërpreu.
Ai nuk mundi të pers, ndaj e përqafoi emocionalisht kolegun e ri nga sulmi i Liverpoolit dhe iu drejtua me disa fjalë.
Sadio Mane just had to show Luis Diaz some love ❤️ pic.twitter.com/Z8SwD32HtK
— DAZN Football (@DAZNFootball) April 5, 2022
Mane dhe Diaz bashkëvepruan shkëlqyeshëm mbrëmjen e djeshme në dy golat e Liverpoolit dhe treguan se do të jenë një tandem ideal të kombinuar edhe me Mohamed Salah.
Liverpooli me këtë skuadër po kërkon historinë, pasi është në garë edhe për tre trofe të tjerë./Telegrafi/