Një tërmet prej 5.2 shkallë Rihter ka goditur sot pjesën veriperëndimore të Kroacisë, me epiqendrën 12 kilometra në jugperëndim të Sisak, njoftoi Qendra Sizmologjike Mesdhetare Evropiane.
Pas kësaj, lideri i Aleancës për Ardhmërinë e Kosovës, Ramush Haradinaj ka thënë se kjo është një ditë e vështirë për Kroacinë dhe lajm i dhembshëm për të gjithë.
Lexoni të plotë postimin e Haradinajt:
“Ditë e vështirë për Kroacinë. Lajm i dhembshëm për të gjithë ne, që i kemi përjetuar edhe vet pasojat e tërmeteve.
Institucionet dhe populli i Kosovës bashkëndjejnë dhe i qëndrojnë pranë popullit dhe institucioneve të shtetit tonë mik për ta përballuar këtë fatkeqësi natyrore”. /Telegrafi/
