Kryeministri në detyrë i Kosovës, Ramush Haradinaj, ka thënë se Kongresi i Lushnjës ka shënuar hapin vendimtar për bërjen e Shqipërisë.
Haradinaj në shkrimin e bërë në Facebook ka shkruar se Qeveria e dalë nga ai tubim kombëtar ndaloi përgjithmonë copëtimin e mëtutjeshëm të shtetit shqiptar dhe hodhi themelet e ndërtimit të rendit kushtetues dhe zhvillimin e forcimin e shtetit, transmeton Telegrafi.
“Shembulli i burrave të mbledhur në Lushnjë, duhet të shërbejë për secilin pushtetarë, edhe në ditët e sotme”, ka shkruar ai.
Haradinaj ka pohuar se Kongresi i Lushnjes, me të drejtë vlerësohet si ngjarja më e rëndësishme për shqiptarët pas shpalljes së pavarësisë./Telegrafi/
