Kryetari i Aleancës për Ardhmërinë e Kosovës, Ramush Haradinaj ka kërkuar nga kryeministri i Kosovës, Albin Kurti që të bëj kërkesë zyrtare për tu anëtarësuar në NATO.
Përmes një postimi në Facebook, Haradinaj ka thënë se situata është serioze dhe kërkesa duhet të bëhet zyrtare.
“Kryeministër kërko edhe zyrtarisht anëtarësimin e Kosovës në NATO. Kryeministër Kurti, bëj kërkesë zyrtare për anëtarësimin e Kosovës në NATO. Mos u vono se situata është më serioze se sa mund të kujtosh”, shkruan ai.
Tutje, ai thekson se duhet të jetë kërkesa institucionale, sepse sipas tij retorika publike për anëtarësim nuk është e mjaftueshme.
“Retorikat publike për anëtarësim nuk janë të mjaftueshme. Vepro sipas procedurave e në formë institucionale”, thuhet në postimin e Haradinajt. /Telegrafi/
