Krerët shtetërorë, kanë uruar Majlinda Kelmendin, e cila triumfoi sot, në Grad Prix të Tel Avivit, duke fituar medaljen e artë.
Kryeministri i vendit, Ramush Haradinaj, fitoren Kelmendit, e ka quajtur edhe një triumf tjetër për t’u admiruar.
“Edhe një triumf tjetër për t’u admiruar i xhudistës sonë, e cila fitoi të artën në Grad Prix të Tel Avivit. Të lumtë, Majlinda!” ka shkruar Haradinaj në Facebook.
Ndërkaq, Kryetari i Kuvendit, Kadri Veseli e ka quajtur një fillim të artë, fitoren e xhudistes kosovare.
“Një fillim i artë për Kosovën nga Majlinda jonë e artë”, ka shkruar Vesali në Facebook.
Xhudistja pejane ka arritur ta fitojë medaljen e artë në Tel Aviv pasi ka mposhtur izraeliten Gili Cohen në kategorinë deri në 52 kilogramë për vetëm 35 sekonda./Telegrafi/