Kryetari i Aleancës për Ardhmërinë e Kosovës (AAK), Ramush Haradinaj ka takuar strukturat e të gjitha niveleve të organizimit të partisë në vigjilje të 23-vjetorit të themelimit të partisë.
Haradinaj ka thënë se AAK është duke kaluar nëpër një momentum shumë pozitiv ngase shumë qytetarë janë duke ju bashkuar asaj.
“AAK po kalon nëpër një momentum shumë pozitiv. Qytetarë të shumtë, profesionistë nga të gjitha fushat, po i bashkohen Aleancës sepse ata po e shohin si alternativën më serioze politike”, ka shkruar Haradinaj.
Haradinaj thotë se zgjedhjet e brendshme të fundit në AAK, kanë nxjerrë struktura të mirëfillta të cilat sipas tij kanë krijuar terren jashtëzakonisht të mirë për prurje të reja nëpër degë në Kosovë por edhe në diasporë.
i pari i AAK-së thotë se partia mbetet konsistente në temat nacionale sepse sipas vlerësimit të tij kjo është e duhura për Kosovën./Telegrafi/
