Telegrafi

Hamasi sulmon aeroportin e Tel Avivit – pasagjerët shihen të frikësuar dhe të shtrirë në dysheme

Një raketë ka goditur aeroportin Ben Gurion në Tel Aviv, ka thënë krahu i armatosur i Hamasit.

Brigada “Al Qassam” konfirmoi se ka “bombarduar” aeroportin si kundërpërgjigje të sulmeve izraelite ndaj civilëve në Rripin e Gazës.

Lexo po ashtu Shumë viktima, të plagosur, pengje dhe të zhvendosur - gjithçka ndodhi në 33 ditë, që nga fillimi i luftimeve izraelito-palestineze më 7 tetor

Tashmë në rrjetet sociale janë publikuar pamje të pasagjerëve të shtrirë në brendësi të aeroportit, raporton skynews.

Një aeroplan i avio-kompanisë britanike, British Airways pritej të ulej në aeroport këtë pasdite, por nuk aterroi për shkak të shqetësimeve të sigurisë.

British Airways që atëherë ka pezulluar të gjitha fluturimet për në Tel Aviv, duke thënë se siguria është gjithmonë “prioriteti i saj i lartë”.

Ndryshe, ajo ishte një nga linjat e pakta ajrore, së bashku me Virgin Atlantic, që kishte vazhduar të fluturonin drejt Izraelit që kur Hamasi nisi sulmin e së shtunës. /Telegrafi/