Luftimet mes forcave izraelite dhe grupit militant palestinez Hamas kanë hyrë në ditën e shtatë, deri më tani me mijëra viktima nga të dyja anët.
Grupi Hamas së fundmi ka lëshuar 150 raketa në qytetin Ashkelon të Izraelit, siç edhe u raportua gjatë ditës, transmeton Telegrafi.
Tani në rrjetin social X janë publikuar edhe disa pamje që besohet të jenë të këtyre sulmeve nga grupi palestinez.
Hamas fired more than 150 rockets at #Ashkelon pic.twitter.com/TvknCaDqbX
— NEXTA (@nexta_tv) October 13, 2023
Izraeli në anën tjetër po përgatitet për një ofensivë tokësore në Rripin e Gazës pas disa ditësh bombardimesh që kreu në këtë zonë.
Gjithçka nisi më 7 tetor, kur grupi militant Hamas lansoi mijëra raketa në drejtim të Tel Avivit, dhe me këtë rast Izraeli në shenjë hakmarrjeje nisi të bombardojë Gazën. /Telegrafi/