Erling Braut Haaland është kthyer në një makineri golash dhe tashmë ka arritur të vendosë një rekord që i ka lënë pas dy yjet e futbollit, Cristiano Ronaldon dhe Lionel Messin.
Sulmuesi i Borusia Dortmundit shënoi të shtunën golin e 10 në 9 ndeshje në Bundesligë, më shumë se një gol për ndeshje, prej se zbarkoi në kampionatin gjerman në janar.
19 vjeçari është përshtatur mjaft mirë me skuadrën e re dhe po bën atë që po bënte me ish-skuadrën e tij, Red Bull Salzburg, pra po shënon shumë gola.
Deri më tani, Haland ka shënuar plot 41 gola dhe ka dhënë 10 asistime në 34 ndeshje në këtë sezon. Kjo shifër është arritur në moshën 19 vjeç, 9 muaj dhe 23 ditë.
Pikërisht ky është dhe rekordi që nuk kanë mundur ta arrijnë dy yjet e futbollit.
Ronaldo arriti të shënojë 42 gola në një sezon vetëm në moshën 23 vjeç, 3 muaj dhe 6 ditë, ndërsa Messi 47 gola në moshën 22 vjeç, 10 muaj dhe 6 ditë.
/Telegrafi/