Guinea e ka shpallur Ebola-n epidemi pasi tre njerëz vdiqën si pasojë e kësaj sëmundjeje dhe katër të tjerë u infektuan në juglindje të vendit.
Sipas Al Jazeera, përcjell Telegrafi, shtatë personat u sëmurën me diarre, të vjella dhe me gjakderdhje pasi morën pjesë në një varrim në Goueke, afër kufirit me Liberinë.
Pacientët e infektuar janë izoluar në qendrat e trajtimit, deklaroi të dielën ministria e shëndetësisë.
“Duke parë situatën, dhe në përputhje me rregulloret ndërkombëtare të shëndetit, qeveria e Guineas e shpall një epidemi të Ebola-s”, tha ministria në një deklaratë.
Ministri i Shëndetësisë, Remy Lamah, tha se zyrtarët ishin “vërtet të shqetësuar” për vdekjet.
Bëhet e ditur se Guinea do të kontaktojë Organizatën Botërore të Shëndetësisë (OBSH) dhe agjenci të tjera ndërkombëtare shëndetësore për t’i siguruar vaksinat kundër Ebola-s.
Vaksina ka përmirësuar me të madhe shkallët e mbijetesës viteve të fundit. /Telegrafi/