Marka italiane e modës, Gucci ka njoftuar se do të lejojë përdorimin e kriptomonedhave në dyqane të zgjedhura në Shtetet e Bashkuara.
Sipas lajmeve të Vogue Business, aplikacioni, i cili do të testohet në një numër të kufizuar dyqanesh, do të jetë i disponueshëm në të gjithë Amerikën e Veriut deri në fund të verës.
Bitcoin, Bitcoin Cash, Ethereum, Wrapped Bitcoin, Litecoin, Dogecoin dhe Shiba Inu do të përdoren në aplikacionin e kriptovalutave, i cili do të fillojë në dyqanet në New York, Los Angelos, Las Vegas dhe Atlanta.
Klientët do të jenë në gjendje të bëjnë pagesat e tyre nga kuletat e tyre të kriptomonedhave duke përdorur një kod QR.
“Për klientët që zgjedhin të kenë atë lloj opsioni, kalimi në kripto është një evolucion shumë i natyrshëm”, tha Marco Bizzarri, CEO i Gucci.
Ndryshe, El Salvadori është shteti i vetëm në botë që lejon edhe zyrtarisht shit-blerjet të bëhen me kriptovaluta. /Telegrafi/