Pep Guardiola është bërë trajneri më i shpejtë që arrin 100 fitore në Ligën Premier, pas triumfit të Manchester Cityt ndaj Sheffield Unitedit.
Me golat e Sergio Aguero dhe Kevin De Bruyne në gjysmën e dytë, kampioni regjistroi fitore në Ligën Premier, ndërsa strategu spanjoll arriti fitoren e 100-të pas 134 ndeshjes.
Në këtë mënyrë, ai e ka thyer rekordin që më herët e mbante Jose Mourinho, i cili kishte arritur numrin e njëjtë të fitoreve pas 142 ndeshjeve sa ishte trajner i Chelseat.
I treti në listë është trajneri i Liverpoolit, Jurgen Klopp, i cili këtë numër fitoresh e ka arritur për 159 sfida si trajner i Redsave.
Duke folur për këtë sukses, Guardiola e ka transferuar arritjen duke i konsideruar më meritorë lojtarët dhe stafin e tij. /Telegrafi/