Trajneri i Manchester Cityt, Pep Guardiola ka mbyllur mundësinë e nënshkrimit me yllin e PSG-së, Neymar.
Ylli i Brazilit kishte entuziazmuar tifozët e Citizens muajin e kaluar kur përsëriti se do të dëshironte të punon nën urdhrat e trajnerit kataluans.
“Gjithmonë kam dashur të punoj me Guardiolan”, kishte thënë Neymar për ESPN Brazil duke shtuar “Ai është i ndryshëm, kam ardhur në Barcelonë një vit pasi u largua, me të vërtetë dëshiroj të punoj me të”.
Megjithatë, nuk duket se do të realizohet dëshira e 26-vjeçarit duke gjykuar nga komentet e bëra prej Guardiolës.
“Unë nuk do të shkoj në Paris Saint-Germain dhe ai nuk do të vjen në Manchester”, tha Guardiola, duke folur nga një turne i golfit në Kataluni.
“Neymar të shkojë në Madrid? Kam lexuar shkrime, por nuk e di, nuk e di. Ajo që di unë është se nuk e ka të lehtë të largohet prej parisienëve”, shtoi ai.
Theksojmë se francezët e transferuan sulmuesin për 222 milionë euro nga Barcelona. /Telegrafi/