Riqui Puig, i riu i talentuar që i emocionoi aq shumë tifozët e Barcelonës, e ka parë karrierën e tij me skuadrën e Xavi Hernandez duke u turbulluar dhe së fundmi është transferuar në MLS te LA Galaxy.
Me pak më shumë se 50 ndeshje të luajtura në katër vitet e fundit, mesfushori ka parë lojtarë të tjerë në pozicionin e tij si Gavi, Nico dhe Pedri ta kalojnë shpejt atë në hierarki.
Ronald Koeman tashmë i tha atij vitin e kaluar se ai nuk llogariste tek ai, dhe Xavi Hernandez e ka përsëritur këtë përsëri këtë sezon dhe nuk e mori as në turne në Shtetet e Bashkuara të Amerikës.
Të enjten u zyrtarizua nënshkrimi i tij për LA Galaxy, por tashmë ai është përfshirë në një tjetër situatë të vështirë.
Audio të regjistruara pa pëlqimin e tij
Tashmë kanë dalë në dritë disa regjistrime ku lojtari i ri i MLS flet për një bashkëlojtar të tij në skuadër.
Bëhet fjalë për Ferran Torres, i cili u nënshkrua për 55 milionë euro nga Manchester City dhe Riqui Puig nuk hezitoi të shprehë mendimin e tij.
“Guardiola as nuk e donte atë, ai luajti 12 ndeshje vitin e kaluar”, dëgjohet duke thënë Puig në audion e publikuar në podcastin Dongcast.
Puig flet edhe për ofertat që ka pasur gjatë gjithë karrierës së tij dhe pse i ka refuzuar ato.
“Jam shumë mirë këtu në Barcelonë. Le të shohim, ata të paguajnë dyfish dhe pastaj je vetëm atje…”, ka thënë ai duke iu referuar ofertave që kishte nga Chelsea dhe Milani.
🚨🗣️ Riqui Puig: “¿Ferran Torres? Guardiola ni lo quería. El año pasado jugó 12 partidos”
Aquí tenéis el audio completo que ha desvelado @JoanFontes en su podcast sobre unas palabras de Riqui Puig en febrero a unos compañeros de autoescuela. pic.twitter.com/Tzy34xiAoO
— Furia Culé (@FuriaCule20) August 3, 2022
Në këto incizime dëgjohet edhe Puig duke folur për lamtumirën e lojtarit më të mirë në historinë e klubit katalanas, Lionel Messi.
“Është normale. Ai ka qenë në klub që kur ishte 14 vjeç”, përfundoi ai. /Telegrafi/