Telegrafi

Guardiola nuk e dëshiron më në skuadër, Bayerni gati ta bëjë Sanen transferimin më të shtrenjtë në histori të Bundesligës

Leroy Sane. (Photo by Harry Trump/Getty Images)

Leroy Sane nuk është duke kaluar nëpër një moment të mirë te Manchester City.

Ylli gjerman ka raporte të tensionuara me trajnerin e Cityt, Pep Guardiolën.

Ka qenë Guardiola që i ka kumtuar lajmin klubit se nuk e dëshiron Sanen në skuadër për edicionin e ardhshëm.

Kjo ka bërë që City ta nxjerrë në shitje yllin e tyre dhe po pret oferta gjatë afatit kalimtar të verës.

Bayerni mbetet skuadra më e interesuar për të nënshkruar me sulmuesin anësorë që e shohin si zëvendësuesin perfekt të Franck Ribery.

Leroy Sane. (Photo by Michael Regan/Getty Images)

Kampionët e Gjermanisë janë gati të shpenzojnë 100 milionë euro për rikthimin e Sanes në Bundesliga.

Në rast transferimit të Sanes në Bayern për 100 milionë euro, atëherë gjermani do të bëhej transferimi më i shtrenjtë në histori të Bundesligës.

Interesim për ish-anëtarin e Schalke 04 kanë shprehur edhe Real Madrid e Paris Saint Germain. /Telegrafi/