Trajneri i Manchester Cityt, Pep Guardiola ndihet i lumtur pas fitores së madhe në udhëtim te rivali i tyre, Chelsea.
Manchester City ka fituar në Stamford Bridge me rezultat 1-0 në derbin e javës së shtatë në Ligën Premier.
Kjo ishte fitorja e gjashtë nga shtatë ndeshje për Qytetarët, duke vazhduar në krye të tabelës pa asnjë humbje.
Fitorja ndaj Bluve e ka lumturuar trajnerin Guardiola, i cili ka thënë pas ndeshjes se lojtarët luajtën ashtu sikurse ai kërkoi.
Spanjolli gjithashtu ka treguar se kjo fitore i dedikohet dy lojtarëve të lënduar, Mendy dhe Aguero.
“Kjo ishte ajo që unë doja, Chelsea janë të rrezikshëm në kundërsulme, por ne kemi mbajtur topin sa aq shumë sa ishte e mundur”, ka thënë fillimisht Guardiola pas ndeshjes.
“Gjëja më e rëndësishme ishte ta fitojmë ndeshjen… Në pjesën e dytë ne e rregulluam pozicionin tonë dhe ishim të papërmbajtshëm”.
“Këtë fitore dua t’ia dedikoj Benjamin Mendyt dhe Sergio Agueros”, përfundoi trajneri spanjoll. /Telegrafi/