Guardiola kritikohet për veprimin që bëri pasi mori medaljen e Ligës së Kampionëve

Pep Guardiola është kritikuar ashpër pas finales së Ligës së Kampionëve, aty ku Manchester City pësoi disfatë 1-0 ndaj Chelseat.

Trajneri katalunas arriti të drejtonte Citizens drejt finalës së garës më të madhe për klube në Evropë, mirëpo nuk kishte sukses që të merrte trofeun në duar.

Guardiola i dëshpëruar u rendit së bashku me lojtarët e tij për t’i pranuar medaljet e vendit të dytë.

Lexo po ashtu Një nga momentet e rralla: Mateu Lahoz nuk arriti t'i ndalte lotët pas finales mes Cityt e Chelseat

Por, katalunasi në momentin që pranoi atë, e mori dhe e puthi, e që ky veprim ka acaruar tifozët e Cityt.

Ata kanë mbetur të dëshpëruar nga veprimi i Guardiolës së si mund ta puthte medaljen e vendit të dytë, duke treguar se ishte i kënaqur me atë sukses.

Lexo po ashtu “Guardiola nuk do të fitojë përsëri Ligën e Kampionëve për shkak të mallkimit afrikan” - Seluk tregon se çfarë nuk shkon me spanjollin

Nuk është edhe për t’u dëshpëruar, pasi ishte hera e parë për Manchester Cityn që arriti në finale të Ligës së Kampionëve.

Edhe pse shfaqën lojë të mirë, Chelsea e Thomas Tuchel ishte më e përgatitur dhe ia doli që në fund të merrte trofeun e dytë në histori të klubit, pasi një të tillë e kishin fituar në vitin 2012. /Telegrafi/