Pep Guardiola është impresionuar shumë nga Faouzi Ghoulam i Napolit dhe dëshiron që ta transferojë në janar mbrojtësin në Manchester City.
Reprezentuesi i Algjerisë fitoi një penallti, e cila u konvertua në gol nga Amadou Diawara, në humbjen e Napolit 2-1 në Ligën e Kampionëve në Etihad.
Interi dhe Juventusi tashmë ishin të lidhur fort me Ghoulam, tani gazeta spanjolle Mundo Deportivo pretendojnë se Guardiola është joshur nga performancat e tij.
Faouzi Ghoulam wins a penalty for Napoli in the Champions League after dribbling past three Man City players. pic.twitter.com/ohbDpKLWOs
— DZ Football (@DZFootball_en) October 17, 2017
Manchester City dëshiron ta nënshkruajë me Ghoulam në mes të sezonit, veçanërisht me dëmtimin e rëndë të gjurit të mbrojtësit të majtë, Benjamin Mendy.
Kontrata aktuale e algjerianit do të skadojë në fund të sezonit, kështu që në teori ai mund të pajtohet me një klub të ri në janar për një transferim të lirë verën e ardhshme.
Negociatat janë në vazhdim e sipër për të nënshkruar një marrëveshje të re dhe është raportuar sot në Itali se klubi ka rënë dakord të paguajë pagën e kërkuar nga lojtari, por ka ende çështje mbi klauzolën e lirimit.
Ghoulam dëshiron që ajo të jetë në rajonin e 25 milionë eurove, ndërsa Napoli do të preferonte që ajo të jetë diku te 35-40 milionë euro. /Telegrafi/