Pep Guardiola dhe Darwin Nunez u përfshinë në një diskutim të nxehtë pas përfundimit të sfidës mes Manchester Cityt dhe Liverpoolit.
Liverpooli udhëtoi për në Mançester të shtunën në përpjekje për të siguruar një fitore që do t’i dërgonte ata në krye të tabelës në Ligën Premier.
25 minutat e parë ishin të qetë deri në momentin kur një gabim i Alisson e lejoi Nathan Aken të dhurojë një asistim për Haaland dhe norvegjezi shënoi për t’i dhënë Cityt epërsinë prej 1-0 pas pjesës së parë.
Në pjesën e dytë, saktësisht në minutën e 79-të, Alexander-Arnold shënoi për të barazuar shifrat në 1-1.
Pas fishkëllimës së fundit të gjyqtarit, Nunez dhe Guardiola u desh të ndaheshin pasi dyshja në fjalë po shkëmbenin fjalë me njëri tjetrin me tone të larta.
Guardiola u pa dukë bërë me shenjë në drejtim të sulmuesit të Liverpoolit teksa tërhiqej mbrapa nga stafi i trajnerëve. Nunez në anën tjetër u largua nga vendi nga trajneri i Liverpoolit, Jurgen Klopp.
Duke folur pas ndeshjes për BBC Radio, ish-mesfushori anglez Izzy Christensen tha se Jurgen Klopp i ka bërë një favor Guardiolës.
“Mendoj se Jurgen Klopp i ka bërë një favor Pep Guardiolës aty. Mendoj se aty ishte një nervozizëm nga Guardiola por në thelb Liverpooli janë shumë të lumtur me një pikë këtu”.
Pas këtij barazimi, City mbetet në krye të Ligës Premier teksa mbajnë një pikë diferencë me Liverpoolin në vendin e dytë. Megjithatë, kjo ka hapur dyert për Arsenalin për të kaluar në vendin e parë në rast fitoreje ndaj Brentfordit.
Ndërkohë, Tottenhami mund të parakalojë Liverpoolin nësë arrin tri pikët e plota ndaj Aston Villas.