Pallati presidencial i Bolivisë raportohet se është sulmuar nga ushtarë ndërsa ish-presidenti i vendit paralajmëroi për një “grusht shteti”.
“Ne do ta rikuperojmë këtë vend”, u tha gjenerali Juan José Zúñiga gazetarëve nga Sheshi Murillo pasi u pushtua nga trupat, sipas gazetës El Deber, shkruajnë mediat e huaja, përcjell Telegrafi.
Ish-presidenti Evo Morales akuzoi gjeneralin Zúñiga për planifikimin e marrjes së pushtetit, duke u bërë thirrje mbështetësve të demokracisë që të bllokojnë rrugët.
Ndërsa presidenti Luis Arce denoncoi ato që ai i quajti lëvizjet “të parregullta” të trupave, duke thënë se “demokracia duhet të respektohet”.
BREAKING NEWS: Military Coup underway in Bolivia as the National Police and the military break into Presidential Palace. pic.twitter.com/jJTixaGYD7
— African Hub (@AfricanHub_) June 26, 2024
Ish-presidenti Evo Morales akuzoi gjeneralin Zúñiga për planifikimin e marrjes së pushtetit, duke u bërë thirrje mbështetësve të demokracisë të godasin dhe të bllokojnë rrugët.
Morales shkroi: “Një grup i Regjimentit Special Challapata ‘Mendez Arcos’ pushtoi Plaza Murillo me snajperë”.
“Kjo duket se tregon se ata e përgatitën grushtin e shtetit paraprakisht”.
“U kërkoj njerëzve me mendje demokratike të mbrojnë atdheun nga grupe të caktuara ushtarake që veprojnë kundër demokracisë dhe popullit”.
Ndërkohë, ministrja boliviane Maria Nela Prada publikoi një video në llogarinë e saj në Facebook, duke treguar pamjen nga një dritare në një ndërtesë qeveritare.
⚡️Scenes from the coup in Bolivia pic.twitter.com/1Dzwtd5PIa
— War Monitor (@WarMonitors) June 26, 2024
Ajo tha se ishte dëshmitare e një “përpjekje grushti shteti”.
“Unë jam në pallatin e popullit. Siç mund ta shihni, ky është Plaza Murillo i marrë nga tanke dhe trupa të armatosura. Ne e kuptojmë se është një fraksion i ushtrisë”, tha ajo.
Ajo theksoi se njësitë ushtarake kishin zënë pozicione në të katër anët e sheshit dhe nuk po lejonin askënd të hynte. /Telegrafi/