Siç shkruan ministrja Renata Deskoska, grupi i punës në Ministrinë e Drejtësisë sot i shqyrtoi të thënat nga debati publik për Ligjin për Prokurori Publike.
“Shpresoj se edhe partitë politike dhe grupet kuvendare në mënyrë serioze marrin pjesë në proces dhe nesër presim që në takimi të prezantohen edhe amendamentet e tyre, nëse konsiderojnë se ka nevojë për ndryshime në ligjin që u shqyrtua”, thotë Deskoska, njofton Telegrafi Maqedoni.
Në Kuvend nesër pritet të ketë takim të ri të grupeve të punës në format më të gjerë, përkatësisht të gjitha grupet kuvendare do të jenë të pranishëm. Pas takimit pritet të sqarohet nëse do të kalohen çështjet e hapura mes pushteti dhe opozitës dhe më në fund Propozim-ligji për Prokurorinë Publike do të jetë në seancë plenare.
Kreu i Kuvendit, Talat Xhaferi sot tha se nëse Kuvend dorëzohet Propozim-ligji për Prokurori Publike dhe është siguruar shumica prej dy të tretave, ai menjëherë do ta vendosë në seancë kuvendare.
Edhe euroambasadori Samuel Zhbogar dhe ambasadorja e SHBA-ve, Kate Marie Byrnes shpresojnë se Ligji për Prokurorinë Publike do të votohet para shpërndarjes së Kuvendit të Maqedonisë së Veriut./Telegrafi/
