Ka nisur tashmë nata e madhe e garës së muzikës evropiane, Eurovision 2023.
Ngjarja, e cila është duke u zhvilluar në Liverpool, ka mirëpritur plot 26 shtete – pesë nga të cilat u kualifikuan automatikisht, 20 të tjera që arritën kualifikimin nga netët gjysmëfinale si dhe Ukraina – e cila doli fituese në Eurovision 2022.
Grupi Kalush Orchestra u shpall fitues i vitit të kaluar duke përfaqësuar vendin e tyre me këngën “Stefania”.
Të njëjtit sivjet kanë hapur mbrëmjen e madhe të finales duke performuar në skenën gjigante po të njëjtën këngë.
Ata dhuruan emocione të mëdha me interpretimin e tyre si dhe një performancë të mrekullueshme.
Eventi madhështor prezantohet nga: Alesha Dixon, Hannah Waddingham dhe këngëtarja ukrainase, Julia Sanina.
Gjatë fazës së votimeve këtyre do t’i bashkohet edhe Graham Norton.
Shqipëria duhet theksuar që këtë vit përfaqësohet nga Albina Kelmendi dhe familja e saj me projektin muzikor të titulluar “Duje”. /Telegrafi/
