Ish-kryeministri maqedonas, kryetari i OBRM-PDUKM-së Nikola Gruevski, sot e ka vazhduar vizitën dyditore të punës në Bruksel, ku paradite ka realizuar një numër takimesh me përfaqësues të lartë të Bashkimit Evropian nga të cilët më e rëndësishme është ajo në Komisionin Evropian me komisarin për negociata për zgjerim Johannes Hahn, transmeton Telegrafi Maqedoni.
Siç njofton korrespondenti i AIM nga Brukseli, sipas informacionit nga takimi i Gruevskit dhe Hanit, ata dy kanë pasur bisedë të hapur, në të cilën sipas Gruevskit i kanë prekur të gjitha temat që e prekin Republikën e Maqedonisë.
Në deklaratën për AIM, lideri i OBRM-PDUKM, ka theksuar se konstatim i përbashkët i tij dhe Hahni, por edhe në bisedat me bashkëbiseduesit tjerë të sotëm si deputeti evropian David Macalister, Ivo Vajgl, Pol Rubing dhe Angelica Nibler është se Maqedonisë i nevojitet eliminim i rreziqeve të jashtme dhe të brendshme.
Pasdite, sipas agjendës së paraparë Gruevski duhet të takohet me Joseph Daul, kryetar i Partisë Popullore Evropiane, si dhe me përfaqësues tjerë të lartë dhe diplomatë të BE./Telegrafi/