Kryetari i OBRM-PDUKM-së, Nikolla Gruevski, sot thirri në takim partnerët e koalicionit “Për Maqedoni më të mirë”. Nga OBRM-PDUKM njoftojnë, se në takim është biseduar për situatën aktuale politike, si dhe për ndodhitë e fundit në Kuvend, përcjell Telegrafi Maqedoni.
“Në takim u dënua tentimi i paligjshëm, kundërkushtetues i LSDM-së për zgjedhjen e kryetarit të ri të Kuvendit. Gjithashtu janë dënuar provokimet nga ana e LSDM-së dhe Zoran Zaevit të cilët me sjelljet e tyre shkaktuan revoltë tek qytetarët. Janë shkelur Kushtetuta, ligjet dhe rregullorja dhe për këtë duhet të ketë përgjegjësi”, njoftojnë nga OBRM-PDUKM./Telegrafi/
