Telegrafi

Gruaja e Channing Tatum pranon romancën me Timberlake gjatë kohës kur ai ishte në lidhje me Britneyn (Foto)

Jenna Dewan-Tatum ka pranuar se ka qenë në lidhje me Justin Timberlake gjatë kohës sa ai ishte në lidhje me këngëtaren Britney Spears.

Ka pasur thashetheme për vite që këngëtari dhe aktorja që është edhe valltare kanë pasur një romancë në mes të ndarjes së tij nga Spears.

Jenna duke kërcyer me Timberlake në skenë (Life&Style)

Britney thuhet se ka qenë në klub dhe i ka parë duke vallëzuar së bashku. Jenna konfirmoi se ajo vallëzonte me Justin në klub, dhe së shpejti vazhdoi të bëhej një balerinë rezervë për N’SYNC, transmeton Klan Kosova.

Gjatë emisionit të tij, Andi Cohen ia kërkoi të vërtetën Jennas se a ishte në të vërtetë në lidhje me Justin.

Kur Britney Spears dhe Justin Timberlake ishin në lidhje dashurie (Daily Mirror)

“Po ne ishim. Ne ishim si miq, që më pas kanë nisur një lidhje”, ka konfirmuar ajo.

Britney Spears dhe Justin Timberlake asnjëherë nuk u ribashkuan pas ndarjes së tyre në vitin 2002.

Channing Tatum dhe gruaja e tij, Jenna Dewan-Tatum

Ndërkaq, Jenna që nga viti 2005 është në lidhje me aktorin Channing Tatum, me të cilin është martuar në vitin 2009.