Është zhvilluar xhiro e radhës në elitën e basketbollit amerikan NBA, ku tre ndeshje që ishin në program janë shtyrë.
Padyshim që ndeshja kryesore është zhvilluar në Target Center të Minneapolis, ku Minnesota Timberwolves pësoi humbje para adhuruesve të vet nga Memphis Grizzlies me rezultat 125:127.
Më meritori për fitoren e Grizzlies ishte basketbollisti Jarren Jackson që e mbylli ndeshjen me 33 pikë, tetë kërcime e një asistim.
Jackson kshte ndihmën e Bane që shtoi 22 pikë si dhe Wells me 13 e Morant me 12 të tjera.
Ndryshe, drejtuesit e NBA ligës i kanë shtyrë ndeshjet e skuadrave nga Los Angeles për shkak të zjarreve katastrofike që pushtuan këtë qytet.
Gjithashtu, ndeshja mes Atlantës dhe Houstonit është shtyrë për shkak të borës.
Natën mes së shtunës dhe të dielës, Los Angeles Lakers duhej të mirëprisnin San Antonio, dhe Clippers do të priste Charlotte. Megjithatë, të dyja ndeshjet u shtynë për shkak të zjarreve në Kaliforninë jugore.
“Menaxhmenti i ligës, si dhe Clippers dhe Lakers, janë në kontakt të vazhdueshëm me autoritetet lokale në Los Anxhelos në lidhje me situatën aktuale në zonën e Los Anxhelosit. Duke shtyrë ndeshjet, ne duam të sigurojmë që të gjitha burimet në dispozicion janë në dispozicion për të luftuar kundër zjarr”, thuhet në njoftimin e NBA-së. /Telegrafi/
