Antoine Griezmann është i vendosur të bëjë një ndikim të madh te Barcleona pas transferimit prej 120 milionë eurosh nga Atletico Madridi.
Reprezentuesi francez kompletoi kalimin e tij nga Atletico Madridi më 12 korrik dhe është i gatshëm të fillojë menjëherë me klubin nga Camp Nou.
Griezmann ka folur për objektivat e tij me katalunasit, ku ka theksuar se dëshiron t’i fitojë të gjithë trofetë.
“Jam shumë i lumtur që jam këtu dhe jam i entuziazmuar për të filluar”, ka thënë fillimisht Griezmann në një interviste për Marcan.
😍 @AntoGriezmann is here, so let's hear from the man himself 💙❤ #ForçaBarça pic.twitter.com/Ey03w2eXZE
— FC Barcelona (@FCBarcelona) July 13, 2019
“Jam i etur për të filluar dhe për të punuar me grupin”.
“Do të ketë sfida të reja dhe unë dua të fitoj gjithçka – Ligën, Copa del Rey dhe Ligën e Kampionëve”, përfundoi ylli francez. /Telegrafi/