Atletja nga Kosova, Gresa Bakraçi po vazhdonë të thyejë rekorde dhe të vendos rekorde të Kosovës në garat ndërkombëtare.
Emri i Gresës po vazhdon të mbetet aktual dhe çdo ditë e më shumë po shfaqet në garat në arenën ndërkombëtare.
Atletja jonë ka pasur paraqitje të shkëlqyer së fundmi në garat e mbajtura në Kroaci.
Gresa pati performancë të shkëlqyer në gjysmë-maratonën e mbajtur në qytetin e Splitit.
Vajza nga Peja e përfundoi garën në vendin e tretë me rezultat të shkëlqyer prej 1 orë, 17 minuta dhe 22 sekonda.
Atletja më e mirë në Kosovë për vitin 2021 theu edhe dy rekorde të Kosovës para disa ditësh në fazën e dytë të përgatitjeve, ku njëkohësisht po merrte pjesë edhe në dy mitingje ndërkombëtare në Zagreb të Kroacisë. /Telegrafi/
