Kryetarja e Kuvendit të Kosovës, Vjosa Osmani ka reaguar ndaj ministrit të Punëve të Jashtme të Serbisë, Ivica Daçiq i cili sot ka falënderuar Algjerinë për mosnjohjen e Kosovës, gjatë një bisede telefonike me homologun nga Algjeria, Sabri Bukadum.
Osmani ka thënë se kjo është fytyra e vërtetë e Serbisë, e cila një ditë më parë tha se do të ndalë fushatën e çnjohjeve ndaj Kosovës.
“Sot, Daçiq falënderon Algjerinë për pozicionin e saj për mosnjohjen e pavarësisë së Kosovës. Prit një minutë: A nuk janë pajtuar që ta ndalin këtë absurditet. Kjo është fytyra e vërtetë e Serbisë, miq: Të hënën, ata i premtojnë SHBA-së që të ndalin fushatën. Të martën, ata e rifillojnë atë”, ka shkruar Osmani në Twitter.
Today: Dacic thanks Algeria for being against Kosovo’s independence!
Wait a minute. Haven’t they agreed to stop this nonsense.
This is the true face if Serbia, friends: on Monday, they promise the U.S. to stop the campaign. On Tuesday, they resume it. https://t.co/hkZLsk71Q1— Vjosa Osmani (@VjosaOsmaniPRKS) June 16, 2020
Se Sebria është pajtuar për ndalë fushatën kundër Kosovës e ka konfirmuar dje ambasadori Richard Grenell, i cili ka dhënë njoftimin për takimin e 27 qershorit që do të mbahet në Shtëpinë e Bardhë në Uashington./Telegrafi/
