Ish-emisari special amerikan për dialogun Kosovë-Serbi, Richard Grenell ka vazhduar edhe sot me deklarata kundër kreut të Lëvizjes Vetëvendosje (LVV), Albin Kurti.
Grenell përmes një postimi në Twitter ka shkruar se Kurti ka qenë kundër të gjithë veprimeve të arritura deri më sot për Kosovën nga ish presidentët e SHBA-së.
“Kurti ishte kundër Bill Klintonit në Rambuje. Kurti ishte kundër George Bush në Vienë. Kurti ishte kundër Barak Obamës dhe Joe Biden për Demarkacionin. Kurti ishte kundër Donald Trump për Marrëveshjen Ekonomike për Normalizim. Ai do të jetë kundër Joe Biden përsëri. Ai është anti – amerika”, ka shkruar Grenell në Twitter.
Ndryshe, një ditë më parë, Grenell përmes një postimi në Twitter e ka quajtur Kurtin antiamerikan, ndërsa në postimin tjetër në Twitter, ai kishte thënë se kreu i Vetëvendosjes ka bërë disa veprime kundër presidentëve amerikanë, duke hedhur gaz lotsjellës në Kuvendin e Kosovës. /Telegrafi/
Albin Kurti was against Bill Clinton in Rambouillet.
Kurti was against George Bush in Vienna.
Kurti was against Barack Obama & Joe Biden on Demarcation.
Kurti was against Donald Trump for Economic Normalization.
He will be against Joe Biden again.
He’s reliably anti-America.
— Richard Grenell (@RichardGrenell) March 3, 2021