Një prej trajnerëve më të repsektuar në NBA, Gregg Popovich, ka folur para ndeshjes ndaj Golden State Warriors e cila zhvillohet pas pak ditësh në AT&T Center.
San Antonio Spurs janë të pamposhtur në shtëpi këtë sezon dhe ka një vit që nuk e kanë shijuar humbjen para tifozëve të vet.
Dhe, para përballjes së një prej ekipeve më të mira këtë sezon, Golden State Warriors, nuk ka mundur të mos shprehet edhe Gregg Popovich, tekniku i Spurs.
“Sigurisht se këto ndeshje kanë më shumë kompetitivitet. Sigurisht se do të jemi më të motivuar. Por, pasi të përfundojë ndeshja, do ta dimë se janë edhe 3-4 ndeshje tjera me ta, dhe po ashtu edhe një gjysmë tjetër e sezonit”.
“Nuk është se kush fiton, apo kush humbë në këto ndeshje. Në këto ndeshje vlen se kush mëson më shumë për njëri-tjetrin. Natyrisht se më pëlqen që të fitoj, por të dyja ekipet do të tentojnë të mësojnë sa më shumë nga njëri-tjetri”.
“Do të ballafaqohen ekipi më i mirë ofensiv, ndaj ekipit më të mirë defensiv. Do të jetë si një përballje me vetveten. Që të dyja ekipet kanë lojtarë jo egoistë dhe do të jenë ndeshje të mrekullueshme”, u shpreh Pops për mediat gjatë stërvitjeve në përgatitje të ndeshjes ndaj Chicago Bulls.