Ditën e së hënë, futbollisti i njohur, Granit Xhaka, dhe bashkëshortja e tij, Leonita Lekaj-Xhaka janë bërë prindër për herë të parë.
Ata mirëpritën në jetën e tyre një vajzë, ndërsa lajmin e bënë të ditur përmes një fotografie të përbashkët, të publikuar në rrjetin social Instagram.
Një ditë pasi çifti njoftuan ardhjen në jetë të vajzës së tyre, duket se ata kanë vendosur të zbulojnë edhe emrin me të cilin kanë pagëzuar foshnjën e porsaardhur në jetë.
Ka qenë Leonita, ajo e cila publikoi në rrjetin social Instagram po të njëjtën fotografi që Graniti e publikoi një ditë më parë, ku shfaqeshin duart e çiftit dhe dora e vajzës së tyre.
Në mbishkrimin e fotografisë, ajo ka bërë të ditur se vogëlushja quhet Ayana Xhaka.
“Ayana Xhaka, mami dhe babi të duan ty përgjithmonë”, kanë qenë fjalët e saj.
Ayana (shqiptohet عيانة në arabisht) është një emër indirekt kuranor për vajzat që do të thotë një vajzë që ka sy të mëdhenj, dhe një vajzë që është perceptuese. Rrjedh nga rrënja (sytë) AIN-Y-N, e cila përdoret në shumë vende në Kuran. … Ayana është gjithashtu një emër etiop për vajzat që do të thotë lule e bukur. /Telegrafi/