Mario Gotze thotë se transferimi në Serie A, La Liga dhe Ligën Premier, duket si një mundësi e madhe për plotësimin e ëndrrës së tij që ta fitojë Ligën e Kampionëve.
Anësori i PSV Eindhoven e ka rigjetur formën e tij prej se u largua nga Borussia Dortmundi në vitin 2020 dhe iu bashkua kubit holandez.
29-vjeçari ka kontratë me klubin aktual deri në vitin 2024, mirëpo ai është duke planifikuar lëvizjen e radhës.
“Gjithmonë ia kam vënë vetes mision se vërtet dua ta fitoj Ligën e Kampionëve. Kjo është diçka që akoma dua ta arrij. Dua, nuk them që duhet. Mendoj se ajo garë është thjesht e jashtëzakonshme”.
“Tashmë e kamë bërë lëvizjen nga Bundesliga në Holandë për të përjetuar diçka të re. E kam njohur vetëm Bundesligan, ku kam luajtur për 10 vite”.
“Me qëllimin tim të lartpërmendur, megjithatë, dua të luaj në nivelin më të lartë në Evropë, preferoj Italinë ose Spanjën. Më përshtatet edhe Liga Premier me kampionatin e baraspeshuar”, ka thënë kampioni i botës për Sports Illustrated. /Telegrafi/