Google ka paralajmëruar ngjarjen e saj vjetore “Made By Google” për 6 tetor, gjatë së cilës pritet të zbulohen seritë Pixel 7 dhe Pixel Watch.
Megjithatë, kompania po punon në disa pajisje të tjera, duke përfshirë një tablet Pixel që pritet në 2023, një telefon me një ekran fleksibël dhe një telefon mini Pixel.
Sipas informatorit të besueshëm Digital Chat Station, Google po përgatit një telefon kryesor me një ekran të vogël.
Burimi thotë se telefoni është i koduar “neila”.
Pajisja ka një hapje të përqendruar në ekran dhe një dizajn të pasmë të ngjashëm me familjen e telefonave Pixel 6 dhe Pixel 7.
Kjo është gjithçka që dihet për telefonin për momentin dhe nuk dihet sa autentike është informacioni i rrjedhur, ndaj duhet marrë me pak kripë. /Telegrafi/