Google nuk do të lejojë më fushatat politike që sponzorizojnë shumë politikanë në mënyrë që audienca e tyre të rritet.
Politika do të fillojë në Mbretërinë e Bashkuar “brenda një jave”, dhe në rajone të tjera më vonë.
Google shtoi se gjithashtu do të ndërmarrë veprime për deklarata mashtruese të dukshme në reklama, duke e vendosur atë në kundërshtim me Facebook.
Kompanitë e teknologjisë përballen me kritika të mëdha mbi mënyrën sesi ato trajtojnë fjalimet politik, përfshirë reklamat.
Mark Zuckerberg, shefi ekzekutiv i Facebook, është akuzuar për amplifikimin e dezinformatave, të gjuhës së urrejtjes dhe të përmbajtjes së dhunshme.
Por ai ka thënë se nuk do të bllokojë reklamat politike që përmbajnë deklarata të rreme, pavarësisht rritjes së presionit, veçanërisht nga demokratët, për ta bërë këtë, transmeton Telegrafi.
Muajin e kaluar, Twitter njoftoi se do të ndalojë të gjitha reklamat politike nga shërbimi i platformës. Masa e Twitter u pa kryesisht si përgjigje ndaj polemikave të shkaktuara nga Facebook.
Debati rreth reklamave politike u fut në qendër të vëmendjes pasi Facebook dhe Google nuk hoqën një video-reklamë 30 sekondëshe nga fushata Trump që bëri një pretendim të rremë për ndërveprimet me Ukrainën që përfshinin Joseph R. Biden Jr., ish-nënkryetarin dhe një kandidat për president.
Google tha që do të prezantojë politikat e reja brenda një jave në Britani, përpara zgjedhjeve të përgjithshme të vendit, dhe më pas në Shtetet e Bashkuara dhe pjesën tjetër të botës në janar.
Në një email për fushatat, Google përshkroi rregullat e reja në mënyrë më të detajuar, duke përfshirë që reklamat zgjedhore nuk do të lejohen më të synojnë atë që quhet “audiencë afiniteti”. Fushatat gjithashtu nuk mund të ngarkojnë më listat e tyre të njerëzve për të treguar reklama. /Telegrafi/