Google Maps për iOS mori një modalitet të errët

Aplikacioni Google Maps për iOS mori një modalitet të errët.

Google njoftoi në gusht se aplikacioni i tij Maps për pajisjet iOS do të merrte modalitetin e errët dhe kjo ndodhi së fundmi.

Modaliteti i errët është i pranishëm në shumë aplikacione dhe në rastin e Google Maps ai aktivizohet nga ndërfaqja kryesore e aplikacionit në iOS duke prekur foton e profilit në këndin e sipërm djathtas të ekranit, duke zgjedhur “Settings” dhe më pas “Dark Mode” nga seksioni “Using Maps”.

Ekzistojnë tre opsione, Aktiv, Joaktiv dhe Njësoj si cilësimet e pajisjes. Opsioni i tretë aktivizon ose çaktivizon automatikisht modalitetin e errët në varësi të faktit nëse është i ndezur në pajisjen iOS.

Aplikacioni i destinuar për pajisjet Android mori një modalitet të errët në fillim të këtij viti dhe aktivizohet duke prekur foton e profilit, opsionin Settings, më pas opsionin Theme, ku ofrohen të njëjtat tre opsione si në iOS. /Telegrafi/