“We’re Good”, kënga e re e Dua Lipës publikohet javën e ardhshme

Fansat e Dua Lipës janë të emocionuar pasi këngëtarja njoftoi publikimin e këngës së re të titulluar, “We’re Good”.

Sipas raportimeve, projekti i ri i Lipës do të publikohet javën e ardhshme.

Muaji shkurt rezulton të jetë me fat për këngëtaren britanike pasi “Levitating” me DaBaby arriti të renditet e pesta në “Hot 100 Chart” të Billboard.

Në një postim të publikuar në Twitter, artistja shqiptare shpërndau foton e kopertinës dhe shkroi, “We’re Good – 11 shkurt”.

Lexo po ashtu “Levitating” e Dua Lipës dhe DaBaby renditet e pesta në “The Billboard Hot 100”

Më herët, këngëtarja bëri të dyshohet se është shtatzënë përmes një postimi të publikuar në rrjete sociale.

Kjo në bazë të disa ‘emoji’ që kishte përdorur në mbishkrim përfshirë këtu – një fëmijë, një shishe për fëmijë e një zemër.

Megjithatë, ajo po vazhdon të shijojë lidhjen me modelin Anwar Hadid dhe gjatë vitit të kaluar u zhvendos për të jetuar në Amerikë, për të qenë më afër tij. /Telegrafi/