Nominimet për çmimet Golden Globe 2025 janë shpallur dhe kanë sjellë disa surpriza. Ariana Grande, Cynthia Erivo dhe filmi i ri “Emilia Perez” janë ndër fituesit kryesorë, duke tërhequr vëmendjen përpara ceremonisë të planifikuar për 5 janar.
“Emilia Perez”, një muzikale narko-triller surreal nga Jacques Audiard, kryesoi me 10 nominime, përfshirë një çmim për aktoren transgjinore Karla Sofia Gascon, e cila luan rolin kryesor. Filmi gjithashtu nominon Selena Gomez dhe Zoe Saldana në role dytësore, ndërsa Gascon, Gomez dhe Saldana janë në garë për çmime të rëndësishme.
Ariana Grande, e nominuar për herë të parë për një Golden Globe, fitoi një çmim për aktoren më të mirë në rol dytësor në një film për rolin e saj si Galinda në “Wicked”. Bashkë me të, Cynthia Erivo e nominuar gjithashtu për një çmim, do të konkurojë në kategorinë e aktores kryesore, me rivalë të fortë si Karla Sofia Gascon dhe Demi Moore, për rolin në “The Substance”, shkruan DailyMail.
Filmi “Wicked” gjithashtu mori katër nominime të tjera, përfshirë për arritjet në kinematografi dhe për suksesin në ‘box office’. Në të njëjtën kohë, filmi i shumëpritur “Gladiator II” u anashkalua, duke marrë kritikë për mungesën e nominimeve të rëndësishme.
Përsa i përket kategorive të dramës, “The Brutalist” i Brady Corbet është një nga pretenduesit për filmin më të mirë të dramës, me aktorët Adam Brody dhe Felicity Jones që shënuan nominime për aktrim, përveç Guy Pearce në kategorinë e aktorit dytësor. Filmat e tjerë të nominuar përfshijnë “Dune: Part Two” me Timothee Chalamet dhe “A Complete Unknown”, biografinë e Bob Dylan, ku Chalamet është gjithashtu i nominuar për aktorin më të mirë në dramë.
Të tjera nominime të rëndësishme përfshijnë Daniel Craig në “Queer” dhe Sebastian Stan për “The Apprentice”, ndërsa Colman Domingo u nominua për rolin e tij në “Sing Sing”.
Golden Globe 2025 pritet të jetë një ceremoni plot emocione, me shumë përplasjen dhe surpriza mes aktorëve dhe produksioneve më të mëdha të vitit. /Telegrafi/
